Om oss - Rudi Gard

Vi dyrkar gode opplevingar  

På Rudi Gard bur vi fire generasjonar, og alle tek del i drift, saman med ein fantastisk gjeng av om lag 40 medarbeidarar, når folk kjem til gards. I århundrer har vi dyrka korn på Rudi, og dei seinere åra har vi òg satsa på å dyrke gode opplevingar. Vi tek i mot gjester for både kulturopplevingar, gardsovernatting og gode måltid. 

Nina og Øystein er vertskap på Rudi Gard, og no har dei fått meg seg eldstemann i syskenflokken, Ingebjørg, som hotelldirektør. Ved siden av å vera vertinne på Rudi Gard er Nina lektor i norsk, historie og engelsk ved Vinstra vidaregåande skule. Øystein held i trådane på Rudi til dagleg, og er ved sidan av dette spelemann med mange oppdrag i inn- og utland. Ingebjørg studerer ved Norges handelshøgskule i Bergen, og er ein mogleg arvtakar av drifta på Rudi når den tid kjem.   

Målet vårt er å bidra til at Gudbrandsdalen blir enno betre og meir interessant for hyttefolk, tilreisande og oss som bur her. 

Sang, musikk, humor og glede er ein viktig del av opplevinga på Rudi. På scena i Rudilåven står både landskjente artistar og gode folk frå dalen. I blant er det intimkonsert der du virkeleg kjem tett på. Andre kveldar fylles tun og låvar med oppstemte folk i hopetal. Alltid rår den gode stemninga som blir når folk treffast i trivleg lag og har god tid.  

Vi håper du finn opplevingar eller overnatting du har lyst å få med deg på Rudi, og ønskjer velkomen til gards for 20.året på rad! 

 

Helsing Nina, Øystein og Ingebjørg 

Rudi Gard er en estetisk bonderomantisk opplevelse. Totalt sjarmert av ryllik i vaser her og der, levende lys og levende vertskap. Når det er konsert er lydbildet helt perfekt! Helt uventa fortryllende på en låve. 

Eli Ranheim Moen

Olavsrosa

Som innehavar av Olavsrosa er Rudi Gard ein framifrå eksponent for aktiv formidling av kulturopplevingar og levande kulturarv. Gjennom respekt for gamle tradisjonar, samtidig som vertskapet har vilje og evne til å aktualisere historia i nåtida, synleggjer Rudi Gard Norsk Kulturarvs visjon ”vern gjennom bruk».

Spelemann

Gardsvert, Øystein, starta å spelle fele i Sør-Fron Spelemannslag i 1977, og er framleis ein du kan sjå spele rundt på tunet på Rudi. Han har vunne landskappleiken tre gonger og har fire Spellemannsprisar i klassa for folkemusikk.

Frå 1997 har gruppa KVARTS vore det musikalske hovedankeret. Gruppa har gjeve ut fleire cd’ar, og har vorte tildelt Spellemannspris for to av desse. Gruppa har hatt mange oppdrag i Norge og i utlandet, og har brukt folkemusikken på mange scener der denne sjeldan er presentert. 

 

KVARTS har også laga bestillingsverk mellom anna til Førdefestivalen, Den Norske Folkemusikkveka og Vossajazz. KVARTS har dei siste åra hatt spennande musikalske samarbeid med artistar som Jonas Fjeld, Sondre Bratland, Kringkastingsorkestret, Ragnhild og Eldbjørg Hemsing, Henning Kvitnes med fleire, som alle har gjesta garden med imponerande musikalske bidrag. 

Andre artistar som har spelt på garden:  

Mari Maurstad

Arve Tellefsen

Highasakite

Ikkje berre serverer vi forrykende konsertopplevingar, deilige kulinariske augeblink og varierte overnattingsmogleigheter.

Vi brygger òg vårt eige handverksøl, som du kan finne på Rudilåven, saman med mange ølsortar frå ulike lokale bryggeri. Peter Syrten er vår dyktige og pasjonerte bryggjar, og han byr på øl tilpassa både årstid og meny. 

Rudilåven er òg visningstad for biletkunst og andre kunstformer. Kvar sommar inviterer vi gode kunstnarar til å syne sine arbeid på Rudi Gard. Sommaren 2018 stilte vi ut bilder av Gjøvik-kunstnaren Trine Håkonsen; «Fellesnevneren for mine kilder, Vigeland, Antony Gomley og Ibsens Peer Gynt er hvordan de forteller historier om menneskets eksistens og livsløp». Vi har også bilder av Vegard Stalsberg, Per Rosenberg, Ståle Blæsterdalen og Jorunn Krag Dahle utstilt på Rudi Gard gjennom året.

Utstillingene er tilgjengeleg i samband med alle arrangement, og arbeida er til sals. 

 

Kunstnarar som har vitja Rudi Gard tidlegare: 

 

Morten Krogvold
Oddvar Torsheim
Lars Eivind Bones
Marcel Dufosse
Jorunn Ygre Rogne
Arild Johannessen
Berit Sundsli
Eilin Fonstad
Svein Tore Kleppan
Geir Kleppan
Birte Kittelsen
Jorunn Krag Dahle
Lill Holmsen

Rolf Nerli
Anne Kristine Torsby
Karl Wimmer
Gro Bjørhei
Vigdis Kleiven Sveen
Inger Hilde Engelstad
Rolf Bergdølmo
Einar Sigstad
Arne Nøst
Sigmund Aarseth
Karin Køltzow
Torunn Bråna
Tonje Bones

Torill Sæther Krekke
Martha Bertheussen
Ragnhild Slåen
Halldis Offigsbø
Kari Mølstad
Yngve Havstad
Roger Eikild Kristoffersen
Berit Sundsli
Anne Nilseng
Anne Louise Tveter
Marit Madshus

Offentlige medspelarar:

100% Lågå i Vågå av OffCenit || Farge og typografi: Trollbinde