FREDAG 25. - SØNDAG 27. AUG

Nygaard-festivalen 2023:

Spel- og dansetreff på Rudi

25. - 27.08.23

Oddvar Nygaard var den fremste trekkspelaren i Gudbrandsdalen i si samtid. Frå starten dyrka han eit breitt repertoar med underhaldningsmusikk og klassiske verk. Med kvartetten sin slo han gjennom og etablerte slåttestilen innan gamaldansen. Til stor jubel, stappfulle hus, Spellemannspris og heider og ære. Det skulle berre mangle om ikkje Oddvar vart heidra med ein eigen festival i heimbygda, og her er den.

Vi inviterer til spel og dans, campingliv og natterangling – om du vil!

Fredagskvelden blir det konsert med Jon Faukstad og uformell spelmannspøbb i Rudilåven, og laurdag formiddag blir det både dans, kåsering og buskspel. Laurdag kveld blir det festkonsert til ære for Toradertrioen, og det blir dans til «skjorta står att på golvet tom», som Olav Aukrust så poetisk sa det.

Fredag 25. august

Kl 19.00 «Jon Faukstad – Døl med trekkspelet i høgsetet»

Kl 20.30 Buskspel, dans, latter og glede

Billettsalg i døra kr 190,-

Laurdag 26. august - Festivaldag på Rudi

Kl 09.00 Frokost

Kl 12.00 Formiddagsdans med Toradertrioen frå Hallingdal

Kl 13.00 Ope i Arne Vangen sitt trekkspelmuseum

Kl 14.00 «Oddvar Nygaard privat» - bildekåseri med musikkinnslag ved Rasmus Stauri og Jo Asgeir Lie med gjester

Frå Kl 15.00 Minikonsertar og buskspel i tun og låvar på Rudi

Kl 19.00 Festkonsert – Toradertrioen frå Hallingdal 50 år

Kl 21.00 Dans til påmeldte grupper og lag

Kl 02.00 Slutt

Billett kr 290,- / 105,- u. 18 år

Søndag 27. august

Kl 12.00 Spelemannsmesse – «Til himmels med 101 toradere i Sør-Fron kyrkje»

Oddvar Nygaard opplevde aldri å få spela i Sør-Fron Kyrkje. Ved gravferda hans spelte Jon Faukstad og Per Arne Glorvigen ved båra. Dei seinare åra har spelmannsmusikken fått fullt innpass i kyrkja, til glede for mange. Og det var ei symbolsk hending når biskop Solveig Fiske svinga seg ut av kyrkja til Oddvar sin komposisjon «I 60-årslag» i samband med 1000-års jubileet for kristninga av dalen i 2021. No er det toradaren sin tur, og målet er å fylle Sør-Fron kyrkje med minst 101 torader til ei gedigen spelemannsmesse, med Toradertrioen i høgsetet.

Musikalsk tilrettelegger: Tom Willy Rustad

Program