Overnatting på garden
På Rudi gard kan vi tilby overnatting for heile vennekretsen eller storfamilien. Er du på gjennomfart, gjest på eit av våre arrangement, eller berre har lyst på eit realt gardseveentyr? Her har vi uansett husrom til alle og ein kvar.
For booking send e-post til oystein@rudigard.no
Stabbursuite // Ei dobbeltseng og ei familekøye // Bad og kjøken //
Glas-stabburet
Glasstabburet kjem opprinneleg frå garden Korstad i Øverbygda, der det kom i vegen for utviding av fylkesvegen. Vi har innreidd det med moderne baderom og kjøkken, ei familiekøye i 1. etg og himmelseng på loftet. I tilbygget kan du nyte fantastisk panoramautsikt over tunet på Rudi og Sør-Fronsbygda.
Dobbeltrom i stabbur, 1.etasje // Ei dobbeltseng //
Bad og kjøken
Nystabburet 1. etasje
Rommet har den gamle sjela frå generasjonars bruk til magasin for mat og saker, og er no forsynt med ei god dobbeltseng, bad med dusjveggar frå dei Gudbrandsdalske steinbrott, liten kjøkenkrok og gode stolar.
Rom i stabbur, 2. etasje // To enkeltsenger // Bad
Nystabburet 2. etasje
Rommet har to gode enkeltsenger, bad og kanonutsikt over tunet. Er dykk ein familie eller større gruppe, høver det fint å leige fleire rom vegg i vegg.
Besøk oss:
Rudivegen 40,
2647 Sør-Fron
Vi er tre generasjonar som bur på Rudi, og saman med trivlege medhjelparar likar vi å få gjester til gards. Visjonen er å bidra til at Gudbrandsdalen blir betre og meir interessant for oss som bur her, for hyttefolk og tilreisande. Les meir om oss
