ONSDAG 04. SEPT - KL. 20.30
TETT PÅ:
Britt Elise Skram og Kristina Farstad Bjørdal
04.09.24
La Plagiata av Hilmar Alexandersen. Kjende meisterkomposisjonar av Per Bolstad. Noko av det finaste i tradisjonsmusikken kan du oppleve denne kvelden med Britt Elise Skram på fele og Kristina Farstad Bjørdal på trekkspel. Dei er skitgode. Verdas varmaste feletone og knallfint samspel. Om du stussar så søk opp og høyr!
Frå Møre og Romsdal kjem dei, til Rudi Gard i Gudbrandsdalen. Musikalsk forbrødring mellom ulike distrikt er ein fin ting. Heilt frå Fel Jakup for på Romsdalsmarknaden for snart 200 år sida, og før den tid. Det er faktisk skikkeleg interessant. Og du er skikkeleg velkomen til intimkonsert i ved peisen, slik du alltid er til konsertar og opplevingar på Rudi.
Billett kr 290,- / 100 u. 18 år
Besøk oss:
Rudivegen 40,
2647 Sør-Fron
Vi er tre generasjonar som bur på Rudi, og saman med trivlege medhjelparar likar vi å få gjester til gards. Visjonen er å bidra til at Gudbrandsdalen blir betre og meir interessant for oss som bur her, for hyttefolk og tilreisande. Les meir om oss
